Сусветны банк працягвае дапамагаць Беларусі
Дапамога датычыць у першую чаргу распрацоўкі і рэалізацыі структурных рэформаў.
Акрамя гэтага, Сусветны банк абяцае абмеркаваць магчымасць падрыхтоўкі новай стратэгіі па Беларусі. Пра гэта гаворыцца ў лісце дырэктара аддзела Беларусі, Малдовы і Украіны Сусветнага банка Чымяо Фана беларускаму прэм'ер-міністру Міхаілу Мясніковічу, паведамляе “Інтэрфакс”.
Сусветны банк таксама пацвердзіў гатоўнасць аказваць дапамогу Нацыянальнаму агенцтву па інвестыцыях і прыватызацыі.
Як паведамлялася, на сустрэчы з Чымяо Фанам ў ліпені Мясніковіч прапанаваў Сусветнаму банку актывізаваць працу па падрыхтоўцы новай краінавай стратэгіі па Беларусі. Папярэдняя завяршылася ў ліпені 2011 года.
