Цела Кадафі схаваюць “у сакрэтным месцы”
Міністр інфармацыі Лівіі Махмуд Шамам заявіў агенцтву “Рэйтэр”, што дыктатар Муамар Кадафі атрымаў шматлікія раненні ў часе штурму Сірта і загінуў.
Такім чынам, каментар Шамама стаў першым афіцыйным пацверджаннем смерці палкоўніка. Раней пра яго гібель заяўлялі толькі прадстаўнікі Нацыянальнага пераходнага савета, а таксама камандзіры розных узроўняў, якія штурмавалі Сірт. Паводле міністра інфармацыі, цела Кадафі схаваюць “у сакрэтным месцы”.
Уплывовыя інфармагенцтвы ўжо распаўсюдзілі фотаздымак агенцтва Франс-Прэс, на якім бачны скрываўлены чалавек, сапраўды падобны да лідара джамахірыі. У той самы час стоадсоткавага незалежнага пацвярджэння смерці Муамара Кадафі яшчэ няма.
