У абласных цэнтраў могуць з'явіцца гарады-спадарожнікі
Такая ідэя закладзена ў асноўных кірунках дзяржаўнай горадабудаўнічай палітыкі на 2011-2015 гады.
Дагэтуль гарады-спадарожнікі мусіў займець толькі Мінск. Мяркуецца, што спадарожнікамі абласных цэнтраў стануць не новыя гарады, а ўжо існуючыя, эканамічны патэнцыял і інфраструктура якіх будзе развівацца. У іх плануецца ствараць прадпрыемствы новага пакалення.
БелаПАН нагадвае, што ў ліпені 2010 года ўрад вызначыў дзевяць гарадоў — спадарожнікаў Мінска: Дзяржынск, Жодзіна, Фаніпаль, Смалявічы, Стоўбцы, Узда, Рудзенск, Заслаўе і Лагойск.
На здымку: Ці стане Орша горадам-спадарожнікам? Гарадская дошка гонару, сакавік 2012 года. Фота — bymedia.net
