У Беларусі павялічыліся пенсіі
З 1 лістапада зроблены пераразлік працоўных пенсій зыходзячы з сярэдняга заробку працаўнікоў па краіне за трэці квартал.
Як паведамляе БЕЛТА, яна ў гэты перыяд склала 4 млн 37 тысяч 686 рублёў. Гэта больш на 14,7%, чым сярэдні заробак у другім квартале. Таму на гэтыя адсоткі і павялічацца працоўныя пенсіі.
Таксама ў лістападзе пералічаныя мінімальныя сацыяльныя пенсіі, яны вырастуць на 4,3%.
У выніку пераразлікаў сярэдняя пенсія па ўзросце пабольшае на 14,1% і складзе 1 мільён 964 тысячы рублёў.
Фота — bymedia.net
