У Брэсце прайшоў перадвыбарчы пікет за вызваленне палітвязняў

Пра акцыю паведаміў Аляксей Коўтун, сябра Беларускай сацыял-дэмакратычнай партыі (Грамада):

“Мэта сённяшняга пікета была заклікаць да салідарнасці са зняволенымі ў Беларусі, якія пад час выбараў знаходзяцца ў турме. У нас быў стэнд з фатаграфіямі  цяперашніх палітзняволеных, датамі іх нараджэння і адрасамі, на якія ім можна напісаць у месца зняволення”.

Таксама раздаваліся ўлёткі з падобнай інфармацыяй,  сказаў спадар Коўтун. З яго словаў, пікет быў заяўлены ў гарадскім выканаўчым камітэце. Міліцыя прэтэнзій не выказала.

Акрамя партыйных колераў, акцыя прайшла і пад сцягам грамадзянскай кампаніі “Гавары праўду!”