У Брэсце пройдзе дабрачынны кірмаш hand-made

Кірмаш "Дабрыня ў Брэсце" пройдзе 4 сакавіка ў кінатэатры "Беларусь", паведамляе "Брестская газета". Мэта акцыі — збор ахвяраванняў на дапамогу дзецям, якія знаходзяцца ў цэнтрах карэкцыйна-развіццёвага навучання і рэабілітацыі.

Ужо цяпер свой намер удзельнічаць у дабрачыннай акцыі выказалі рамеснікі, прыватныя прадпрыемствы горада, handmade-энтузіясты і школьнікі. Гандляваць жа вырабамі будуць не самі вытворцы, а валанцёры.