У Брэсце разыгрываюць Кубак Беларусі па веславанні
Але нават фінальныя заезды праходзяць пры пустых трыбунах.
5 траўня праходзяць фінальныя заезды. Спаборніцтвы з’яўляюцца этапнымі для кваліфікацыі на Алімпійскія гульні 2012 года ў Англіі.
Але найперш гаворка ідзе пра кваліфікацыю на сёлетні чэмпіянат свету ў Славакіі напрыканцы жніўня. Падчас яго канчаткова вызначацца беларускія весляры-алімпійцы.
Рысу пад спісам тых, хто паедзе ў Славакію, падвядуць на чэмпіянаце краіны ў канцы траўня. З дакладнай датай пакуль не вызначыліся. У трэнерскім штабе не абверглі версію, што прычынай гэтага стала фінансавая няпэўнасць.
