У Брэсце заміж даішнікаў паставяць студэнтаў
Дзяржаўтаінспекцыя апране іх ва ўніформу і дасць жэзлы – каб агітавалі за бяспеку руху.
Валанцёраў набяруць з ліку студэнтаў і сябраў моладзевых клубаў. Іх паставяць на самых аварыйна небяспечных скрыжаваннях Брэста і іншых гарадоў вобласці. Яны будуць раздаваць пешаходам і кіроўцам агітацыйныя матэрыялы, весці прафілактычныя гутаркі, піша “Брестская газета”.
Акцыя “Маладое пакаленне за бяспеку руху” працягнецца да канца года.
