У Брусэлі абакралі "Офіс за дэмакратычную Беларусь"
Крадзеж выявілі супрацоўнікі офіса ў панядзелак зранку, калі прыйшлі на працу.
Як паведамляе БелаПАН, невядомыя скралі адзін з камп'ютараў. Прадстаўнікі бізнэс-цэнтра, дзе здымае памяшканне "Офіс за дэмакратычную Беларусь", выклікалі паліцыю. У будынак можна трапіць толькі пры наяўнасці спецыяльнай магнітнай карткі. Дзверы двух пакояў, адкуль знікла тэхніка, не былі ўзламаныя і былі адкрытыя ключамі.
Цяпер па факце крадзяжа ідзе следства. Ніводная з іншых арганізацый, якія арандуюць памяшканні на гэтым жа паверсе бізнэс-цэнтра, не пацярпелі.
