У Чэхіі пачалі прадаваць марыхуану паводле рэцэпту
У гэтай краіне набыў моц закон пра легалізацыю марыхуаны ў лекавых мэтах.
Як паведамляе ВВС, цяпер дазваляецца адпускаць марыхуану паводле рэцэпту анкалагічным пацыентам, хворым на СНІД, рассеяны склероз, экзэму, сутаргі ды некаторыя іншыя захворванні. Таксама марыхуану прапісваюць у якасці абязбольваючага.
Першапачаткова лекавую марыхуану будуць завозіць з іншых краін, пераважна з Галандыі. А праз год яе змогуць прапаноўваць фірмы, якія атрымаюць адмысловую ліцэнзію. Самастойнае вырошчванне канопляў у хатніх умовах па-ранейшаму забаронена.
Меркаваны кошт аднаго грама медыцынскай марыхуаны ў Чэхіі — ад 3 да 8 еўра (ад 4 да 11 долараў).
Фота — xweb.com.ua
