У Дуброўне забаранілі паліць на стадыёне
Такое распараджэнне выдаў Дубровенскі райвыканкам Віцебшчыны.
Дубровенцы не супраць, каб такіх месцаў у райцэнтры было больш, але сумняваюцца, што курцоў спыніць рашэнне мясцовых уладаў, адзначаюць "Беларускія рэгіянальныя навіны".
Камунальнікам загадалі ўсталяваць на стадыёне шыльды і плакаты з інфармацыяй пра забарону курэння.
Міліцыянты пагражаюць парушальнікам штрафамі — да 1 красавіка максімальны штраф складзе 140 тысяч рублёў (4 базавыя велічыні). Ад 1 красавіка, пасля павышэння базавай велічыні, памер масімальнага штрафу ўзрасце да 400 тысяч рублёў.
