У Ганцавіцкім раёне працягваюць масава знікаць каровы
На гэты раз недахоп 19 жывёл выявіўся ў статку на ферме Лактышы.
Адбылося гэта падчас далучэння адной гаспадаркі — СВК "Агра-Нач" да другой — СВК "Дубнякі".
Нагадаем, што мінулай восенню ў "Агра-Нач" не далічыліся цэлага статку — аж 185 кароваў. Страты тады склалі больш за 400 мільёнаў рублёў. Міліцыя ўвесь гэты час праводзіла праверку, але вінаватых так і не знайшла.
Фота — bymedia.net
