У Гомелі адкрылася выстава жывапісу Аляксандра Ісачова

У галерэі прадстаўленыя 60 працаў мастака, якія яшчэ не выстаўлялася ў Гомелі. Належаць яны мінскаму калекцыянеру і мастаку Алегу Арлову. Яго працамі дапоўненая экспазіцыя.

Нагадаем, Ісачоў нарадзіўся на Гомельшчыне ў 1955 годзе. Ён вучыўся ў Рэспубліканскай школе-інтэрнаце па музыцы і выяўленчым мастацтве для адораных дзяцей у Мінску. На пачатку 1973 года мастак з'ехаў у Ленінград. У 1987 годзе, праз тры дні пасля сваёй першай персанальнай выставы ў Рэчыцы, мастак сканаў ад сардэчнага прыступу.

Працы Ісачова захоўваюцца ў шматлікіх калекцыях краін Заходняй Еўропы, Блізкага Ўсходу і ЗША.

На адкрыцці выставы прысутнічаў сын мастака — Яраслаў Ісачоў.