У Гомелі затрымалі маладафронтаўца Андрэя Цянюту
Амапаўцы заявілі, што шукаюць крадзеныя мабільнікі.
Як паведамляе БелаПАН, каля 11 гадзін Цянюта сустракаўся са знаёмым каля абласной бібліятэкі на плошчы Перамогі. Амапаўцы спярша праверылі іх тэлефоны, а потым запатрабавалі прад'явіць заплечнікі. У Цянюты яны знайшлі расцяжку "Свабоду Дашкевічу" і затрымалі яго. Таксама амапаўцы абшукалі яшчэ аднаго сябра Цянюты, які чакаў яго каля дома.
Нагадаем, 30 верасня Цянюту вызвалілі з ізалятара часовага ўтрымання, дзе ён адбываў 10-сутачны арышт і трымаў галадоўку. Хлопца затрымалі за распаўсюд улётак пра Народны сход.
