У Горках пабудуюць бібліятэку ў стылі Нацыянальнай
Гэта будзе шасціпавярховы будынак цыліндрычнай формы. Сваімі абрысамі ён будзе нагадваць Нацыянальную бібліятэку ў Мінску.
Капсулу з пасланнем нашчадкам закладуць у яе падмурак на "Дажынках" у наступным годзе.
Да саміх жа "Дажынак" у горадзе плануецца рэканструяваць плошчу Леніна, гатэль "Проня", райвыканкам, а таксама пабудаваць амфітэатар на 2500 месцаў.
Акрамя гэтага у градзе абяцаюць пабудаваць набярэжную, два масты, кальцавую дарогу і дзіцячы амфітэатар на 500 месцаў, паведамляе газета "Горацкі веснік".
