У Гродне "Еўраопт" адпрацаваў толькі тыдзень
Пасля гэтага мясцовы гіпермаркет зачынілі эпідэміёлагі.
“Еўраопт” каля гродзенскага чыгуначнага вакзала адчыніўся напярэдадні Новага года. Пасля закрыцця крамы па горадзе пайшлі чуткі пра пакупнікоў, якія нібыта атруціліся набытымі ў новай краме прадуктамі, перадае гродзенскае радыё "Твой стыль".
Эпідэміёлагі, аднак, кажуць, што ніякіх атручванняў не было. Проста ў краме перад адкрыццём недастаткова якасна была праведзеная прыборка памяшкання. Таму санстанцыя вынесла прадпісанне аб ліквідацыі парушэнняў.
