У Гродзенскай вобласці выпаў снег
Раніцай тэмпература панізілася да 0 градусаў. На тэрыторыі Ваўкавыскага, Гродзенскага, Мастоўскага і Шчучынскага раёнаў выпаў снег вышынёй 2-3 см.
У Гродзенскай вобласці выпаў снег. Пра гэта карэспандэнту БЕЛТА паведаміла інжынер-сіноптык Гродзенскага абласнога гідраметэацэнтра Тамара Балаткевіч.
Днём на Гродзеншчыне чакаецца тэмпература ў межах 6-11 градусаў цяпла, таму снег хутка знікне.
Снег у траўні - анамальнае для Беларусі з'ява. Аднак старажылы памятаюць, калі снег выпадаў і ўлетку, адзначыла Тамара Балаткевіч.
