У Івянцы праходзіць свята ганчароў
Традыцыйны фэст “Гліняны звон” пачаўся сёння а 9.00 у гэтым мястэчку на Валожыншчыне.
Там сабралася болей за 70 майстроў ганчарнай справы, якія возьмуць удзел у разнастайных конкурсах. Таксама яны зладзяць выставу твораў з хатніх калекцый. Будзе арганізаваны багаты кірмаш вырабаў майстроў з усёй вобласці.
Фэст як звычайна суправаджаецца канцэртам фальклорных калектываў Валожыншчыны. Па традыцыі ў гасцінны Івянец прыязджаюць аматары адвечнага мастацтва гліны і агню не толькі з Беларусі, але і з замежжа.
