Нямецкія лекары: У кішэчнай інфекцыі вінаватая соя
Вынікі расследавання паказалі, што крыніцай смяротна небяспечнай кішэчнай інфекцыі, якую ўжо паспелі ахрысціць "агароднінным грыпам", была прарослая соя.
Як паведамляе агенцтва Reuters са спасылкай на словы прадстаўніка нямецкага ўрада, такія папярэднія вынікі расследавання. Чакаецца, што падрабязнасці будуць абнародаваны на прэс-канферэнцыі, якая пройдзе крыху пазней.
Высветліць крыніцу віруса, з-за якога 22 чалавекі загінулі, а 2000 звярнуліся па медыцынскую дапамогу, атрымалася пасля вывучэння ўсіх абставінаў. Мяркуецца, што сою пацярпелыя ўжывалі ў ежу разам з салатамі, у якіх яна выкарыстоўвалася ў якасці дадатку.
Улады Нямеччыны пакуль не спяшаюцца канчаткова "рэабілітаваць" агуркі і памідоры, вырашыўшы дачакацца заканчэння расследавання.
