У Купалаўскім тэатры для Лукашэнкі забраніравалі месцы
29 сакавіка Купалаўскі тэатр пакажа "Паўлінку" ў адрэстаўраваным будынку.
На гэтае адкрыццё запрасілі і кіраўніка дзяржавы. Плануецца, што Аляксандр Лукашэнка выступіць з прамовай. У адміністрацыі тэатра кажуць, што застанецца ён і на сам спектакль.
Адміністратарка тэатра: "Я мяркую, што ён будзе сядзець у зале, бо месцы для яго вылучаліся".
Праўда, колькі месцаў вылучылі для Лукашэнкі і яго суправаджэння, у тэатры не кажуць — гэта закрытая інфармацыя.
У адміністрацыі Купалаўскага дадаюць толькі, што звычайны глядач на спектакль не трапіць. Квіткі на яго не прадаваліся, уваход зроблены толькі па запрашальніках. У ліку гасцей купалаўцаў на гэты вечар будуць, напрыклад, дырэктары іншых тэатраў.
Фота Еўрарадыё
