У Лідскім раёне бачылі... Васіля Сталіна
У аграгарадку Дворышча на тэрыторыі дзіцяча-юнацкай конна-спартыўнай школы здымалі сцэны 12-серыйнага мастацкага фільма "Сын бацькі народаў".
Гэта беларуска-расійскі праект пра жыццё сына савецкага дыктатара Іосіфа Сталіна — Васіля. Як паведамляе газета "Рэспубліка", школа на два дні ператварылася ў Маскоўскі іпадром 1946 года, на якім сустракаліся Васіль Сталін з Сямёнам Будзёным.
"Сын Сталіна" вучыўся ездзіць на беларускім кані, які мае мянушку "Адвага". Што да акцёраў, дык амаль усе яны маладыя і яшчэ "не раскручаныя".
Фота — massovki.ru
