У Мінску з'явіцца гатэль "Хілтан"
Гасцінічны комплекс мусіць адкрыцца да чэмпіянату свету па хакеі, які адбудзецца ў Беларусі ў 2014 годзе.
Улады Мінска падпісалі інвестыцыйную дамову з галандскай кампаніяй Blue Eagle Private Equity на будаўніцтва гасцінічнага комплекса ўзроўня 4-5 зорак у Мінску.
Кошт праекта ацэньваецца ў 60 млн долараў. Пасля ўводу ў эксплуатацыю гатэль, які размесціцца на скрыжаванні вуліц Кірава-Леніна, будзе перададзены ў кіраванне Hilton.
