У Магілёве ад спёкі пацярпелі 20 чалавек
Менавіта столькі людзей у непрытомным стане было прывезена медыкамі ў гарадскую бальніцу за апошнія тры дні.
17 чалавек давялося шпіталізаваць. Медыкі паведамляюць, што ад спякотнага надвор’я найперш пацярпелі маладыя людзі, якія працавалі на адкрытым паветры, а таксама пенсіянеры, якія гублялі прытомнасць проста на вуліцы, паведамляе “Тэлерадыёкампанія “Магілёў”.
Сіноптыкі прагназуюць, што спякотнае надвор’е захаваецца да канца тыдня і будзе ў межах 25-29 градусаў цяпла. Яно будзе суправаджацца кароткачасовымі дажджамі, моцным ветрам і навальніцамі.
Фота — bymedia.net
