У Мастоўскім раёне злодзеі скралі два бігборды
Зламыснікі паквапіліся на бігборды з вядомай на ўсю вобласць фармулёўкай "У нас на Гродзеншчыне ліхачоў пазбаўляюць правоў — адназначна".
Пра знікненне двух шчытоў у міліцыю паведамілі грамадзяне, піша "Гродзенская праўда". Як выявілася, мэтай зламыснікаў былі палімерныя палотны, з якіх робяцца бігборды. Металічныя каркасы засталіся некранутымі.
Кошт скрадзенага ацэньваецца ў 3 мільёны 740 тысяч рублёў. Пошук скрадзеных бігбордаў ідзе ў рамках крымінальнай справы.
Фота — grodnonews.by
