У Мінск прыбыў старшыня Парламенцкай Асамблеі АБСЕ Рыкарда Мільёры
Разам з ім прыбыў і спецыяльны каардынатар місіі кароткатэрміновых назіральнікаў ПА АБСЕ Матэа Мекачы.
Як паведамляе БелаПАН, гэта папярэдні візіт, які працягнецца да 12 верасня. Пазней місія кароткатэрміновых назіральнікаў на чале з Мекачы прыбудзе ў Беларусь напярэдадні парламенцкіх выбараў, якія пройдуць 23 верасня.
Мільёры і Мекачы сустрэнуцца з дэпутатамі Палаты прадстаўнікоў і чыноўнікамі Міністэрства замежных справаў. Таксама яны правядуць перамовы з кіраўніцаў Цэнтравыбаркаму Лідзіяй Ярмошынай і калегамі з доўгатэрміновай місіі назіральнікаў АБСЕ, якія ўжо працуюць у Беларусі.
Апроч таго, прадстаўнікі ПА АБСЕ сустрэнуцца з актывістамі грамадзянскай супольнасці, прадстаўнікамі незалежных СМІ, палітычных партый і кандыдатамі ў дэпутаты.
