У Мінску адбыўся выбух на заводзе (фота)
Здарэнне адбылося 30 жніўня на сталічным падшыпнікавым заводзе на вуліцы Жылуновіча. Пацярпелых няма.
Як паведамляе "Наша ніва", адбыўся выбух газапаветранай сумесі ў памяшканні для захоўвання вузлоў і дэталяў ўчастку ліцця кавальскага корпуса. Аднак узгарання не было.
У выніку выбуху часткова разбураныя цагляныя перагародкі і перакрыцці памяшкання, былі выбітыя шыбы. На працу прадпрыемства здарэнне не паўплывала.
Фота — МНС
