У Мінску затрымалі маладафронтаўцаў
Пра гэта паведаміла ў сваім фэйсбуку актывістка арганізацыі Наста Палажанка.
Па яе словах, затрыманыя маладафронтаўцы Раман Васільеў i Зміцер Крамянецкі. Палажанка адзначае, што міліцыянты адчынілі дзверы сваім ключом, усіх паклаўшы пасля гэтага на падлогу.
Дарэчы, абодва хлопцы толькі ўвечары ў пятніцу выйшлі з турмы на Акрэсціна дзе адбывалі 15-суткавы арышт за "Чарнобыльскі шлях".
Таксама затрыманы адзін з лідэраў "Маладога фронту" Мікола Дземідзенка.
Нагадаем, што сёння "Малады фронт" (зарэгістраваны ў Чэхіі) ладзіць акцыю з вывешваннем нацыянальных сцягоў. Яна прымеркаваная да гадавіны так званага "Ганебнага рэферэндума" 1995 года.
Фота — torange.ru
