У Петрыкаве закідалі камянямі машыну ДАІ
Трое маладых людзей ва ўзросце ад 16-ці да 18-ці гадоў каля 4-й гадзіны раніцы прыйшлі ў РУУС з перадачай для затрыманага.
Перад гэтым яны адпачывалі ў кавярні і былі ў стане алкагольнага ап'янення. Дзяжурны РАУС іх у будынак не пусціў і параіў ісці дахаты. Хлопцы спачатку закідвалі снегам і лёдам міліцэйскія аўтамабілі, а пасля камянямі разбілі машыну ДАІ.
Як паведамляе газета "СБ. Беларусь сегодня", хуліганаў затрымалі, распачатая крымінальная справа. Пашкоджанні машыны ацанілі ў 7 мільёнаў рублёў. Таксама яны пашкодзілі помнік воінам-інтэрнацыяналістам, адкуль даставалі камяні.
