У Пінскім раёне падтапіла вёску
З-за скаплення крыгаў перад мастом праз раку Прастыр падняўся ўзровень вады.
Як паведамляе прэс-служба МНС, у выніку была падтоплена вёска Парэ. Ад патопу пацярпелі чатыры падворкі, два жылыя дамы і чатыры гаспадарчыя пабудовы. Узровень вады ў хатах дасягаў 8 сантыметраў. Але іх жыхары адмовіліся ад часовага перасялення.
Ратавальнікі расчысцілі ледзяны затор на рацэ з дапамогай выбухоўкі.
