У Пінску абрынулася столь падземнага ціра (фота)
Пацярпелых, на шчасце, няма.
Як паведамляе БЕЛТА са спасылкай на выратавальнікаў, часткова абвалілася пліта перакрыцця падземнай часткі стралковага ціра. Сам ён размешчаны на тэрыторыі пінскай гімназіі №1.
Цір быў пабудаваны ў 1986 годзе, ён знаходзіцца на глыбіні 3 метры. Памяшканне ціра не выкарыстоўвалася з 2001 года. Пліта абвалілася, бо проста састарэлі апорныя будаўнічыя канструкцыі.
