У цэнтры Бабруйска знясуць каля 100 дамоў
На месцы старых прыватных дамоў плануецца пабудаваць шматпавярховікі.
Старшыня Бабруйскага гарвыканкама Дзмітрый Бонахаў даручыў распрацаваць праграму зносу старых дамоў у цэнтры горада.
Як піша "Вечерний Бобруйск", на пабудову шматпавярховікаў яшчэ ў мінулым годзе распрацавалі праектна-каштарысную дакументацыю. Але грошы за працу праектавальнікам яшчэ не заплацілі.
Дакументы распрацаваныя на 56 дамоў. Іх будаўніцтва дазволіць разлічыцца з праектавальнікамі, лічаць ва упраўленні капітальнага будаўніцтва Бабруйска.
