У цэнтры Гомеля знайшлі парэшткі пяці чалавек
Знаходка была зробленая падчас пракладкі траншэі пад вадаправод на цэнтральнай вуліцы горада — праспекце Леніна.
Паводле папярэдніх ацэнак, узрост знойдзеных чарапоў і фрагментаў шкілетаў складае не менш за 70-80 гадоў.
Вядучы навуковы супрацоўнік музея Гомельскага палацава-паркавага ансамбля Уладзімір Літвінаў кажа, што гэта пахаванне не выпадковае. На месцы знаходкі раней размяшчаўся вялікі комплекс Праабражэнскіх могілак, паведамляе тэлерадыёкампанія "Гомель".
