У цэнтры Гродна правядуць гурман-шоў “Кілбаскі як у казцы”
А таксама закладуць сквер маладых і ўрачыста адкрыюць лазню. Гродзенскі гарвыканкам апублікаваў праграму свята горада, якое адбудзецца 3-5 чэрвеня.
Свята адкрые ўрачыстае шэсце працоўных калектываў. Увечары кожнага з трох дзён пройдуць канцэрты мясцовых артыстаў і дыскатэкі для моладзі. А 23-й гадзіне уў пятніцу — феерверк.
Як і на кожным масавым мерапрыемстве, будуць узмоцненыя меры бяспекі. На плошчы Савецкую і Леніна можна будзе трапіць толькі праз пункты пропуску і догляд міліцыі, у месцах збору людзей усталююць відэаназіранне. Продаж алкаголю ў гэтыя дні ў цэнтры горада абмяжуюць.
