У Варшаве абмяркуюць беларускія выбары
24 верасня офіс еўрадэпутата Марэка Мігальскага ладзіць у Варшаве Беларускі круглы стол. Гэта будзе канферэнцыя, прысвечаная палітычнай сітуацыі ў Беларусі.
Мерапрыемства пачнецца а 10-й гадзіне ў прэс-цэнтры Польскага інфармацыйнага агенцтва (ul. Bracka 6/8).
Мэтай гэтага круглага стала будзе падвядзенне вынікаў выбарчай кампаніі, аналіз палітычнай сітуацыі ды захавання правоў чалавека ў Беларусі. Таксама ўдзельнікі абмяркуюць адносіны Беларусі і Еўрапейскага саюза.
У мерапрыемстве прымуць удзел старшыня Беларускай асацыяцыі журналістаў Жанна Літвіна, жонка палітвязня Сяргея Каваленкі Алена, былы амбасадар Польшчы ў Беларусі Марыюш Машкевіч, беларускі палітолаг Павел Усаў ды іншыя.
Фота — kp.by
