Уга Чавес заяўляе, што ён абсалютна здаровы
Медыцынскае абследаванне венесуэльскага прэзідэнта дало “абсалютна нармальныя” вынікі адносна яго фізічнага стану.
Пра гэта паведамілі лацінаамерыканскія СМІ са спасылкай на самога Чавеса. 10 чэрвеня спаўняецца роўна год з таго моманту, як палітыку зрабілі на Кубе першую аперацыю па выдаленні ўнутрытазавага абсцэса. Праз 10 дзён ён перанёс яшчэ адну аперацыю — па выдаленні злаякаснай пухліны кішэчніка. Пасля гэтага кіраўнік Венесуэлы прайшоў некалькі курсаў промневай тэрапіі. У канцы лютага Чавесу выдалілі яшчэ адну злаякасную пухліну.
“Я пачуваюся вельмі добра”, — заяўляе цяпер Уга Чавес. Ён упэўнены, што яму дапамагае жыць вера ў бога і медыцыну.
На 7 кастрычніка ў Венесуэле прызначаныя прэзідэнцкія выбары, на якія 57-гадовы Чавес пойдзе трэці раз запар. Яго сапернікам стане адзіны кандыдат ад апазіцыі Энрыке Капрылес.
