Відэаназіранне ў гандлёвых цэнтрах стане абавязковым
Буйныя гандлёвыя цэнтры і рынкі Беларусі павінны быць забяспечаны сістэмамі відэаназірання, заявіў генеральны пракурор Рыгор Васілевіч.
"Гэтым пытаннем павінны сур'ёзна займацца ўласнікі гандлёвых арганізацый. Прычым варта ўсталёўваць камеры, якія змогуць выразна зняць тое, што адбываецца", — цытуе БЕЛТА кіраўніка ведамства.
Паводле яго слоў, гаворка ідзе аб бяспецы людзей, а таксама аб папярэджанні магчымых і раскрыцці здзейсненых злачынстваў. Генпракурор лічыць, што пытанні відэаназірання трэба агаворваць пры выдачы дазволу на адкрыццё гандлёвага аб'екта.
