Вайскоўцаў кінулі на жніво
Аб гэтым загадаў сам міністр абароны Беларусі Юрый Жадобін.
Ва Узброеных сілах сфармавалі тры зводныя аўтамабільныя ўзводы. Яны будуць дапамагаць сельскагаспадарчым прадпрыемствам на ўборцы ўраджаю, перадае БелаПАН.
Каб кіраваць дзеяннямі вайскоўцаў, якія дапамагаюць збіраць ураджай, у Міністэрстве абароны створана адмысловая аператыўная група. Жаўнеры працуюць у СПК Клецкага, Старадарожскага, Чавускага, Мсціслаўскага раёнаў. Яны галоўным чынам перавозяць грузы. Усяго на жніве працуюць 110 вайскоўцаў і 70 армейскіх аўтамабіляў.
