Віцебск рыхтуе выцвярэзнік для гасцей "Славянскага базару"
На час фэсту колькасць месцаў у гарадскім медвыцвярэзніку павялічыцца ўдвая — з 14 месцаў да 30.
Пра гэта паведаміў начальнік абласной міліцыі Ігар Яўсееў. Па яго словах, якія перадае інтэрнэт-выданне "Ежедневник", выцвярэзнік будзе працаваць кругласутачна.
Традыцыйна падчас фэсту будзе забаронена прадаваць спіртныя напоі ды піва ў месцах фэставых імпрэзаў і ў радыусе 500 метраў прылеглай да іх тэрыторыі. Праўда, гэтае правіла не распаўсюджваецца на рэстараны, кафэ і бары, якія атрымалі адпаведны дазвол.
Фота — prikolin.ru
