Вялікабрытанія перажывае моцныя снегапады
Закрытыя школы і аэрапорты, перакрытыя магістралі, пустыя паліцы і адсутнасць хлеба ў крамах — усё гэта ў Вялікабрытаніі, дзе ідуць небывалыя снегапады.
Метэаролагі перасцерагаюць, што нападае да 60-70 см снегу і раяць сядзець дома ў выходныя, перадае ВВС.
Закрытыя аэрапорты ў Саўтгемптане, Кардыфе, Брысталі, 160 школ у Хэмпшыры. У Вустэршыры стаяць чэргі па хлеб. 70 рэйсаў скасаваныя ў аэрапорце Хітроў.
"Англія зусім не гатовая да снегу. Ёсьць і паніка, і эйфарыя. Нарэшце гэта не дождж, як часта бывае, а снег", — пішуць мясцовыя інтэрнэтчыкі.
Фота — Reuters
