Юлію Цімашэнку могуць сёння выпусціць на волю
Вышэйшы суд Украіны завяршае сёння слуханні па справе Юліі Цімашэнкі. На думку экспертаў, вердыкт будзе вынесены ў аўторак.
У судзе разглядаецца касацыя ўкраінскага экс-прэм'ера па так званай "газавай справе", перадае ВВС. Абарона аспрэчвае прысуд, паводле якога Цімашэнку прызналі вінаватай у перавышэнні паўнамоцтваў пры падпісанні газавых кантрактаў з Расіяй і прысудзілі да сямі гадоў пазбаўлення волі. Калі суд сёння адменіць ранейшы вырак, Цімашэнка можа апынуцца на волі, бо па іншых яе абвінавачаннях зняволенне не прадугледжанае.
Фота — AFP
