Журналістам Бі-бі-сі анулявалі беларускія візы
У Мінск не пусцілі журналістаў карпарацыі ВВС Ніка Сардзі і Люсі Эш. Яны мелі адкрытыя беларускія візы і акрэдытацыю МЗС.
Журналісты планавалі прыехаць у Беларусь на Дзень незалежнасці. Аднак 27 чэрвеня ў панядзелак прадстаўнікі беларускай амбасады ў Лондане праінфармавалі іх аб ануляванні віз. Прычыны такога рашэння не паведамляюць. Амбасада і МЗС Беларусі падкрэсліваюць, што маюць права не тлумачыць свае рашэнні.
Карэспандэнтам таксама параілі не звяртацца па беларускую візу ў бліжэйшай будучыні, паведамляе Беларуская асацыяцыя журналістаў.
