Рэжысёр Макджы адправіць "Наўтылус" у плаванне

Стваральнік фільма "Тэрмінатар. Ды прыйдзе выратавальнік" Макджы здыме для кінастудыі Walt Disney фільм па матывах знакамітага твора Жуля Верна "20 тысяч лье пад вадой", паведамляе Variety. У карціне, сцэнар якой рыхтуе Біл Марсілі (Bill Marsilli), гаворка пойдзе аб маладосці капітана Нема і будаўніцтве "Наўтылуса".

Кампанія Walt Disney ужо звярталася да гэтай ідэі. Фільм "20 тысяч лье пад вадой" 1954 года выпуску стаў першай паўнаметражнай стужкай студыі і адной з самых касавых карцін свайго часу.

Нагадаем, што карціна "Тэрмінатар. Ды прыйдзе выратавальнік" выходзіць у пракат у траўні 2009 года.

Фота: www.interkino.ru