Royal Hunt тэрмінова шукаюць бубнача

Бубнач дацкага гурта Royal Hunt Алан Сорэнсэн не здолее ўзяць удзел у еўрапейскім туры. Паводле паведамлення афіцыйнага сайта гурта, музыка павінен застацца дома па сямейных прычынах.

На старонцы рок-калектыву напісана, што «гурт жадае яму ціхага сямейнага шчасця і поспехаў у засваенні новага рамяства — кармленні грудзьмі і змене пялюшнак».

У сувязі з гэтым Royal Hunt шукаюць новага бубнача.

Заяўкі прапаноўваецца накіроўваць на адрас [email protected].

Плануецца, што рэпетыцыі з новым музыкам група пачне ў сярэдзіне красавіка ў Стакгольме або Капенгагене.

Дадам, што падчас тура Royal Hunt адыграюць 3 канцэрты, а выступ у Маскве адбудзецца ўжо 25 траўня

Фота: subscribe.ru