Сасноўскі пераходзіць у "Томь", але супраць ПСЖ згуляе

Пра гэта заявіў старшыня праўлення беларускага клуба Анатоль Капскі.

"Сяргею, між іншым ужо 29 гадоў, і такога выгоднага кантракту ён можа ўжо больш не атрымаць. Таму мы не маем права чыніць перашкодаў футбалісту, які нямала сіл аддаў у імя ўслаўлення БАТЭ, – прыводзіць словы Капскага афіцыйны сайт БАТЭ. – Але ў дадзенай сітуацыі мы зрабілі ўсё, каб кампенсаваць для клуба гэта няпростае для нас рашэнне".

Такім чынам, Сяргей зможа сыграць абодва матчы супраць ПСЖ. Між тым, у сераду ўвечары абаронца правёў у Турцыі трэніроўку з БАТЭ, а пасля яе, па просьбе галоўнага трэнера "Томі", перабраўся ў размяшчэнне сваёй будучай каманды, якая базуецца непадалёк. Гэта было зроблена для таго, каб Сасноўскі хутчэй прайшоў працэс адаптацыі ў новым калектыве, патлумачыў Капскі.

15 лютага Сяргей вяртаецца ў Мінск, дзе пачне рыхтавацца да матчаў 1/16 фіналу Лігі Еўропы.