Савет Еўропы пастараецца адчыніць дзверы для Беларусі - Луіс Марыя дэ Пуч

“Лукашэнка, відаць, думае, што ўвесь свет памыляецца, а ён мае рацыю”. Такое меркаванне ў інтэрв’ю расійскай газеце “КоммерсантЪ” выказаў новы кіраўнік Парламенцкай асамблеі Савета Еўропы, іспанскі сенатар Луіс Марыя дэ Пуч.
Ён выказаўся пра сітуацыю ў Беларусі. Кіраўнік ПАСЕ лічыць, што Еўропа прапануе Лукашэнку лаводзіць сябе так, “як усе”, але ён “адмаўляецца браць на сябе тыя абавязацельствы, якія ўжо ўзялі ўсе краіны Еўропы”.

У той жа час Луіс Марыя дэ Пуч кажа, што Савет Еўропы пастараецца зрабіць усё, каб неяк “адчыніць дзверы, каб інтэграцыя Беларусі ў Еўропу была магчымая”.