Сайты Рымашэўскага і БХД знішчаны

Невядомымі знішчаны сайты Беларускай Хрысціянскай Дэмакратыі і сайт кандыдата ў прэзідэнты Віталя Рымашэўскага.  Як паведаміў Радыё "Рацыя" давераная асоба Віталя Рымашэўскага Дзяніс Садоўскі, дос-атака адбылася сёння раніцай.

Спецыялісты спрабуюць спыніць гэтыя атакі. У сайта прыхільнікаў партый bchd.info знішчана база, а на сайт Віталя Рымашэўскага rymasheuski.org ідзе дос-атака: адначасова шмат карыстальнікаў нібы на яго уваходзяць і сэрвер аўтаматычна прыпыняе працу сайта.