Сем беларусаў былі затрыманыя падчас вулічнай акцыі ў Нямеччыне

Сем беларусаў былі затрыманыя падчас антыфашысцкай акцыі ў нямецкім горадзе Шверын. Яны з’яўляюцца актывістамі аргкамітэта па стварэнню беларускага сацыяльнага руху «Разам!».  Акцыя прайшла 2 чэрвеня, але пра затрыманне беларусаў стала вядома толькі цяпер. Яе ўдзельнікі пратэставалі супраць дазволенага ўладамі марша Нацыянал-дэмакратычнай партыі. За кратамі нашыя землякі правялі каля чатырох гадзін. Пасля праверкі дакументаў іх адпусцілі.

БелаПАН