Сэр Пол Макартні стаў Доктарам музыкі

Ганаровая ступень была прысвоеная легендарнаму музыку Ельскім універсітэтам. Цырымонія ўзнагароджання адбылася 25 траўня ў Канэкцікуце. Прэзідэнт Еля Рычард Левін падчас прамовы на цырымоніі сказаў, што музыка "абудзіў сваёй музыкай цэлае пакаленне, надаўшы свежае гучанне рок-н-ролу і рытм-н-блюзу і змяніўшы ўяўленні пра класіку".

"Універсітэт захапляецца музычным талентам і геніем Пола Макартні, а таксама яго актыўнай сацыяльнай пазіцыяй». Для атрымання ўзнагароды Макартні выйшаў на сцэну пад класічны хіт The Beatles «Hey Jude» у выкананні студэнцкага гурта.

На мерапрыемстве прысутнічала больш за 3 тысячы студэнтаў Еля.

Дадам, што ганаровыя ступені Ельскага ўніверсітэта ўручаюцца вельмі рэдка.

Сэр Пол стаў восьмым уладальнікам ступені разам з амерыканскім паэтам Джонам Лоўрэнсам Эшбэры і іншымі выбітнымі дзеячамі сучаснасці.

Фота: g-ec2.images-amazon.com