Сіноптыкі падлічылі, наколькі ў Мінску пацяплела за апошнія 10 гадоў

На 1,4 градуса вырасла за 10 апошніх гадоў сярэдняя тэмпература паветра ў беларускай сталіцы. Пра гэта паведамляе аддзел клімата Рэспубліканскага гідраметэацэнтра.  Сіноптыкі сведчаць, што зімовыя і летнія месяцы сталі значна цяплейшымі, а вось сярэдняя тэмпература паветра ў траўні і кастрычніку практычна не змянілася.

Па ўсёй краіне з 1989 года сярэдняя тэмпература паднялася на 1,1 градуса, інфармуе агенцтва "Мінск-навіны".