Slipknot: "Мы не развальваемся. Нас чакаюць вялікія справы"
Амерыканскія металісты адмаўляюць чуткі пра распад гурта.
Бубнач Джоі Джордзісан не пакідаў гурт Slipknot. Пра гэта музыка паведаміў праз свой Facebook, падкрэсліўшы, што чуткі пра раптоўны сыход “яго засталі так жа знянацку, як і іншых удзельнікаў гурта”. Джордзісан кажа, што “аддаў гурту 18 гадоў жыцця і ніколі б не пакінуў яго вось так”.
Паведамленне пра сыход Джоі са Slipknot з’явілася на афіцыйнай старонцы гурта 12 снежня і пазней было выдаленае. Пазней фронтмэн калектыва Коры Тэйлар напісаў у адной з сацыяльных сетак, што тыя, хто мяркуе, што KNOT развальваецца, “вельмі моцна памыляюцца”. Маўляў, у 2014 гурт “чакаюць вялікія справы”. Таму “будзьце на сувязі”.
Фота: www.billboard.com
